xtreme2day 04-07-2025 17:19:58 44326941
"रामायण" फर्स्ट लूक: चाहत्यांकडून रणबीर कपूरचं कौतुक, पार्श्वसंगीत अंगावर शहारे आणणारं! मुंबई (चित्रपट प्रतिनिधी) - रणबीर कपूरचा 'रामायण' या बहुप्रतिक्षित चित्रपटातील पहिला लूक नुकताच प्रदर्शित झाला आहे. चाहत्यांनी त्याच्या लूकचं आणि भावनात्मक अभिव्यक्तीचं प्रचंड कौतुक केलं आहे. पार्श्वसंगीताने तर प्रेक्षकांच्या अंगावर अक्षरशः शहारे आणले. सोशल मीडियावर चाहते म्हणतात की, "हा चित्रपट भारतीय पौराणिकतेला नवा आयाम देईल." प्रतिक्षा अखेर संपली आहे! नितेश तिवारी यांच्या बहुप्रतिक्षित 'रामायण' चित्रपटाचा पहिला झलक अखेर प्रदर्शित झाला आहे आणि चाहत्यांचा आनंद थांबतच नाही. येत्या दिवाळीच्या काळात म्हणजे ऑक्टोबर - नोव्हेंबर 2026 महिन्यात रिलीज होणाऱ्या ; रणबीर कपूर आणि साई पल्लवी यांच्या प्रमुख भूमिका असलेल्या बहुप्रतिक्षित ‘रामायण’ या बॉलिवूड चित्रपटाच्या नव्या रूपाने प्रेक्षकांना भुरळ घालण्याचे वचन दिले आहे. भव्यतेने सजलेला हा चित्रपट भारतातील नऊ शहरांमध्ये एकाच वेळी प्रथमदर्शनी झलक सादर करत आहे. कालातीत असा महाकाव्य ‘रामायण’ पुन्हा एकदा भव्य रूपात रुपेरी पडद्यावर येत आहे. या चित्रपटाचे दिग्दर्शन प्रसिद्ध दिग्दर्शक नितेश तिवारी करत आहेत. प्रारंभीच्या काळात 650 कोटींचा हा चित्रपट आहे. तसेच रणबीर कपूर भगवान रामाच्या आणि साई पल्लवी देवी सीतेच्या भूमिकेत झळकणार असल्याने चाहत्यांनी या चित्रपटाच्या अधिकृत टीझरची आतुरतेने वाट पाहिली आहे. अलीकडेच रणबीरने ‘रामायण’च्या पहिल्या भागाचे चित्रीकरण पूर्ण केले असून, या प्रसंगी तो भावूक झाला होता. रणबीर कपूर, साई पल्लवी, यश, सनी देओल आणि रवी दुबे यांच्या प्रमुख भूमिका असलेल्या या चित्रपटाची भव्यता आणि दृश्य सौंदर्य प्रेक्षकांना मंत्रमुग्ध करणारे ठरणार आहे, असं सांगितलं जात आहे. हा चित्रपट एक भव्य अनुभव देईल, अशी चाहत्यांची अपेक्षा आहे.
