आधार कार्डपासून बँकिंग, गॅस सिलिंडर आणि म्युच्युअल फंडांपर्यंत सर्व महत्त्वाच्या क्षेत्रांमध्ये 1 नोव्हेंबर पासून अनेक बदल लागू होणार

xtreme2day   25-10-2025 19:50:33   198097164

आधार कार्डपासून बँकिंग, गॅस सिलिंडर आणि म्युच्युअल फंडांपर्यंत सर्व महत्त्वाच्या क्षेत्रांमध्ये 1 नोव्हेंबर पासून अनेक बदल लागू होणार

नवी दिल्ली (विशेष प्रतिनिधी) - येत्या 1 नोव्हेंबरपासून देशात आधार कार्डपासून बँकिंग, गॅस सिलिंडर आणि म्युच्युअल फंडांपर्यंत सर्व महत्त्वाच्या क्षेत्रांमध्ये महिन्याच्या पहिल्या तारखेपासूनच बदल लागू होणार आहेत. तसेच बँक अकाउंट, लॉकर्स आणि जमा ठेवींसाठी जास्तीत जास्त चार जणांना नामांकित करू शकतील. हा बदल बँकिंग कायदे (सुधारणा) कायदा 2025 अंतर्गत लागू केला जाईल. 

आधार कार्ड अपडेट करण्याच्या नियमांमध्ये महत्त्वपूर्ण बदल केले आहेत. आता तुम्ही आधार केंद्राला भेट न देता तुमचे नाव, पत्ता, जन्मतारीख आणि मोबाईल नंबर ऑनलाइन अपडेट करू शकता पण तुम्हाला फक्त फिंगरप्रिंट किंवा आयरिस स्कॅन सारख्या बायोमेट्रिक माहितीसाठी आधार केंद्राला भेट द्यावी लागेल. UIDAI पॅन, पासपोर्ट, रेशन कार्ड, मनरेगा आणि शाळेच्या नोंदी यासारख्या सरकारी डेटाबेसमध्ये तुमची माहिती आपोआप पडताळेल. असुरक्षित क्रेडिट कार्डवर आता 3.75% शुल्क लागू आहे. शिवाय, तुम्ही CRED, CheQ, Mobikwik इत्यादी थर्ड-पार्टी ॲप्सद्वारे शाळा किंवा महाविद्यालयीन शुल्क भरल्यास तुम्हाला अतिरिक्त 1% शुल्क आकारले जाईल. प्रत्येक महिन्याच्या पहिल्या तारखेला एलपीजी गॅस सिलिंडरच्या किमती सुधारित केल्या जातात. गेल्या महिन्यात व्यावसायिक सिलिंडरचा दर महागला होता तर मागील काही महिन्यांपासून घरगुती गॅसचा दर जशास तसा आहे. त्यामुळे आता महिन्याच्या पहिल्या तारखेला एलपीजी दरात काय बदल होतो याकडे ग्राहकांचे लक्ष लागून असेल.

म्युच्यूअल फंड गुंतवणूकदारांनाही नवीन नियम लागू होतील. म्युच्युअल फंडांमध्ये पारदर्शकता वाढवण्यासाठी सेबीने कडक मार्गदर्शक तत्त्वे जारी केली आहेत ज्यानुसार आता एएमसीचे अधिकारी, कर्मचारी किंवा त्यांचे नातेवाईक 15 लाखांपेक्षा जास्त व्यवहार करत असतील तर कंपनीला ही माहिती अनुपालन अधिकाऱ्यांना कळवावे लागणार आहे.