इंडियन इन्स्टिट्यूट ऑफ नॉलेज या संस्थेच्या संचालक- समन्वय या पदावर जेष्ठ पत्रकार व आपत्ती व्यवस्थापन तज्ञ डॉ. जयपाल पाटील यांची नियुक्ती
xtreme2day
14-03-2025 21:23:47
1790341
इंडियन इन्स्टिट्यूट ऑफ नॉलेज या संस्थेच्या संचालक- समन्वय या पदावर जेष्ठ पत्रकार व आपत्ती व्यवस्थापन तज्ञ डॉ. जयपाल पाटील यांची नियुक्ती
पुणे (विशेष प्रतिनिधी) - गेली 3 दशकं आयटी क्षेत्रात कार्यरत असलेल्या आणि शैक्षणिक गुणवत्ता व कौशल्य विकास यात देशातील विविध संस्थासाठी योजना राबविणाऱ्या, इंडियन इन्स्टिट्यूट ऑफ नॉलेज या प्रतिथयश सॉफ्टवेअर कंपनीच्या संचालक- समन्वय पदावर जेष्ठ पत्रकार व आपत्ती व्यवस्थापन तज्ञ, रायगड भूषण, आदिवासी सेवक, डॉक्टर बाबासाहेब आंबेडकर समाज भूषण,प्राध्यापक डॉ. रायगड भूषण जयपाल पाटील नियुक्ती झाली आहे. या संस्थेचे संस्थापक अध्यक्ष निलेश छडवेलकर यांनी कार्यकारी संचालक संजयकुमार जोशी यांच्या मान्यतेने रायगड, नवी मुंबई, ठाणे, पालघर या जिल्ह्यांची जबाबदारी संचालक- समन्वय या पदाची सूत्रे हाती देऊन त्यांचे स्वागत केले आहे.
इंडियन इन्स्टिट्यूट ऑफ नॉलेजचे नोंदणीकृत मुख्य कार्यालय पुण्यातील औंध परिसरात असून, भारत सरकारने घोषित केलेल्या आणि पंतप्रधान नरेंद्र मोदी यांनी स्वतः तसेच केंद्रीय मंत्रिमंडळाने मान्यता दिलेल्या नवीन शैक्षणिक धोरणाच्या अंमलबजावणी करण्यासाठी स्वतंत्रपणे सॉफ्टवेअर निर्मिती करीत आहे. राज्यातील तसेच देशातील विविध शिक्षण संस्था, विद्यापीठ आणि खासगी क्षेत्रातील दिग्गज व्यवस्थापन या सॉफ्टवेअरच्या माध्यमातून विद्यार्थ्यांना गुणवत्तापूर्ण व सखोल ज्ञान प्राप्त करण्यासाठी प्रयत्न करीत आहेत. आजच्या घडीला सुमारे ११०० हुन अधिक संस्था इंडियन इन्स्टिट्यूट ऑफ नॉलेज या संस्थेचे सॉफ्टवेअर दैनंदिन व्यवहारात वापरतात आणि त्यामुळे या शैक्षणिक संस्थांचा निर्णय प्रक्रियेत गुणवत्ता व कौशल्य विकास प्रक्रियेत आमूलाग्र बदल घडवून आणला आहे.
डॉ. जयपाल पाटील यांना वृत्तपत्र क्षेत्रातील प्रदीर्घ असा ३५ वर्षे अनेक नामांकित वृत्तपत्राचा अनुभव आहे. एक प्रोफेशनल कुशल प्रशासक-व्यवस्थापन, व्यावहारिक विपणन, जनसंपर्क आणि पत्रकारिता व आपत्ती व्यवस्थापन तज्ज्ञ म्हणून ते कार्यरत आहेत. त्यामुळे त्यांच्या प्रदीर्घ अशा प्रकारच्या विविधांगी प्रत्यक्ष अनुभवाचा फायदा इंडियन इन्स्टिट्यूट ऑफ नॉलेज या संस्थेच्या माध्यमातून नवीन शैक्षणिक धोरण राबविताना होईल असा विश्वास वाटतो, असे या संस्थेचे एक्झिक्युटिव्ह डायरेक्टर संजय कुमार जोशी यांनी सांगितले.
बातम्या आणि जाहिराती साठी संपर्क करा.
