Xtreme Today 06-11-2026 20:21:39 283745751
चीनमधील शांघाय शहरात 'एजीबॉट' कंपनीने 6 ह्युमनॉइड रोबोट्सची कार्यक्षमता तपासण्यासाठी 24 तासांचा लाईव्हस्ट्रीम चॅलेंज शांघाय - चीनमधील शांघाय शहरात 'एजीबॉट' कंपनीने 6 ह्युमनॉइड रोबोट्सची कार्यक्षमता तपासण्यासाठी 24 तासांचा लाईव्हस्ट्रीम चॅलेंज आयोजित केला होता. या प्रयोगात रोबोट्सनी ग्राहकांचे स्वागत, कॉफी बनवण्यासह 1,730 कामे यशस्वीरीत्या पूर्ण केली. मात्र, अनपेक्षित परिस्थिती निर्माण झाल्यामुळे यातील फक्त दोन रोबोट्स त्यांचे काम पूर्ण करण्यात पूर्णपणे अपयशी ठरले. चीनमधील अग्रगण्य रोबोटिक्स स्टार्टअप कंपनी 'एजीबॉट' (Agibot) ने मानवी आकाराच्या रोबोट्सची वास्तविक जगातील कार्यक्षमता तपासण्यासाठी शांघायमधील शिनहुई जिल्हा येथील एका रिटेल कन्व्हिनियन्स स्टोअरमध्ये 24 तासांचा ' Robots Never Clock Out ' हा थेट प्रक्षेपण चॅलेंज आयोजित केला होता. या 24 तासांच्या शिफ्टमध्ये दुपारची गर्दी, रात्रीची वेळ आणि सकाळची घाई अशा चार वेगवेगळ्या सत्रांमध्ये रोबोट्सनी काम केले. यादरम्यान त्यांनी ग्राहकांचे स्वागत करणे, कॉफी बनवणे आणि वस्तूंची देवाणघेवाण करणे यासारख्या कामांचा टप्पा पार केला. अधिकृत रिपोर्टनुसार, रोबोट्सनी केलेल्या एकूण 1,730 कामांची अचूक आकडेवारी खालीलप्रमाणे आहे. 683 वेळा दुकानात येणाऱ्या ग्राहकांचे स्वागत केले. 369 वेळा ग्राहकांनी मागितलेल्या वस्तू शोधून आणल्या आणि डिलिव्हर केल्या. 277 वेळा शेल्फची तपासणी आणि मालाची पुनर्रचना केली. 147 कप कॉफी तयार केली. 128 वेळा टेबलची स्वच्छता केली. 126 वेळा ग्राहकांच्या गरम अन्नाचे ऑर्डर्स हाताळले. एकूण 6 रोबोट्स पैकी 4 रोबोट्सनी आपले काम समाधानकारक केले. मात्र, गुंतागुंतीच्या आणि अनपेक्षित परिस्थितीमुळे उर्वरित दोन रोबोट्स त्यांच्या जबाबदाऱ्या पार पाडण्यात अपयशी ठरले.
