xtreme2day 06-02-2026 22:28:48 152036577
भारतीय संघाने World Cup इतिहास रचला; पुन्हा एकदा 19 वर्षांखालील वर्ल्ड कप जिंकला! सहाव्यांदा विजेतेपद पटकावले!! झिम्बाब्वे (क्रीडा प्रतिनिधी) - भारतीय संघाने पुन्हा एकदा U19 World Cup इतिहास रचला. हरारे स्पोर्ट्स क्लब येथे झालेल्या अंतिम सामन्यात टीम इंडियाने इंग्लंडविरुद्ध विजय मिळवत सहाव्यांदा विजेतेपद पटकावले. ही भारताची सर्वात मोठी कामगिरी आहे, कारण हा संघ सर्वाधिक वेळा विश्वचषक जिंकला आहे आणि यावेळीही त्याने आपले वर्चस्व कायम ठेवले आहे. संपूर्ण स्पर्धेत भारतीय संघाने चमकदार कामगिरी केली. संपूर्ण स्पर्धेत ते अपराजित राहिले आणि विजयी झाले. अंतिम सामन्यात प्रथम फलंदाजी करताना भारताने 50 षटकांत 9 गडी गमावून 411 धावांचा मोठा धावसंख्या उभारला, ज्यामध्ये Vaibhav Sooryavanshi 80 चेंडूत 175 धावांनी महत्त्वाची भूमिका बजावली. दरम्यान, इंग्लंडने पाठलाग करताना संघर्ष केला आणि सामना भारताच्या बाजूने संपला. कर्णधार आयुष म्हात्रेच्या नेतृत्वाखाली, तरुण खेळाडूंनी संघाला बळकटी दिली आणि प्रत्येक आव्हानाचा धैर्याने सामना केला. भारतीय संघाने विश्वचषकाच्या इतिहासात प्रथमच 350 पेक्षा अधिक धावा केल्या. भारतीय संघाने 411 धावा केल्या आणि ऐतिहासिक कामगिरी केली. अंडर 19 विश्वचषकाच्या फायनल सामन्याचा थरार झिम्बाब्वे येथे रंगला. भारत आणि इंग्लंड 19 वर्षाखालील संघात फायनल सामना रंगला. या फायनल सामन्याचे नाणेफेक भारताने जिंकले. कर्णधार आयुष म्हात्रेने नाणेफेक जिंकून प्रथम बॅटिंग करण्याचा निर्णय घेतला. प्रथम फलंदाजी करत भारताने 411 धावा केल्या. लक्ष्यप्राप्ती करताना इंग्लंडला फक्त 311 धावा करता आल्या. भारताने तब्बल 100 धावांनी विश्वचषक जिंकला. भारताने 19 वर्षांखालील विश्वचषक जिंकण्याची ही सहावी वेळ आहे. वैभव सूर्यवंशीच्या 175 धावा आणि गोलंदाजांच्या दमदार कामगिरीमुळे भारताला ऐतिहासिक विजय मिळाला. इंग्लंडला 28 वर्षांचा जेतेपदाचा दुष्काळ संपवण्याची संधी होती, परंतु त्यांना भारतीय संघाचे आव्हान पार करण्यात अपयश आले. झिम्बाब्वेची राजधानी हरारे येथे खेळल्या गेलेल्या अंतिम सामन्यात भारताने प्रथम फलंदाजी करताना 411 धावा केल्या. 19 वर्षांखालील विश्वचषकाच्या अंतिम सामन्यात कोणत्याही संघाने केलेली ही सर्वोच्च धावसंख्या होती. वैभव सूर्यवंशीने 80 चेंडूत 15 चौकार आणि 15 षटकार मारत 175 धावा केल्या. भारताचा कर्णधार आयुष म्हात्रेने अर्धशतक ठोकले. त्याने 51 चेंडूत 53 धावा केल्या. भारताकडून सर्वाधिक विकेट या अंबरीश सुकुमारने काढल्या. त्याने तीन विकेट काढल्या. प्रत्युत्तरात इंग्लंडला फक्त 311 धावा करता आल्या. इंग्लंडने 177 धावांवर सात विकेट गमावल्या होत्या, परंतु कॅलेब फॉकनरने एका लढाऊ शतकासह इंग्लंडला विजयाच्या जवळ आणण्यासाठी धाडसी प्रयत्न केले. त्याने 67 चेंडूत 115 धावांची शानदार खेळी केली.
