xtreme2day 24-01-2026 22:31:46 15037101
नव्या करप्रणालीत होणार मोठे फेरबदल! बजेटमधून मध्यमवर्गीय, नोकरदार वर्गाला मिळणार गिफ्ट! नवी दिल्ली (विशेष प्रतिनिधी) - अर्थमंत्री निर्मला सीतारामन 1 फेब्रुवारी रोजी केंद्रीय अर्थसंकल्प सादर करणार आहेत. या वर्षीच्या अर्थसंकल्पात मध्यमवर्गाला काहीसा दिलासा मिळायची शक्यता आहे. महागाई आणि वाढत्या खर्चाच्या पार्श्वभूमीवर सरकार मानक वजावटीची मर्यादा 75000 रुपयांवरून 100,000 किंवा त्याहून अधिक वाढवू शकते असा टॅक्स तज्ञ आणि सामान्य जनतेचा असा विश्वास आहे. प्रत्येक वर्षाप्रमाणेच यंदाही मध्यमवर्ग आणि नोकरदार लोक बजेटमधील घोषणांकडे लक्ष ठेवून असतील. प्रत्येक वर्षी सामान्य माणसाला अर्थसंकल्पातून कर सवलतीची अपेक्षा असते, विशेषतः, मानक वजावटीत वाढ होण्याची अपेक्षा यंदाही जास्त आहे. मानक वजावट ही एक साधी वजावट आहे जी तुमच्या एकूण उत्पन्नातून थेट वजा केली जाते. ही एक निश्चित रक्कम आहे जी पगारदार व्यक्ती आणि पेन्शनधारकांना दरवर्षी कर भार कमी करण्यास मदत करते.
