येत्या काळात भारत पुढील सुपरपॉवर! UNSC सदस्य न दिल्यास संयुक्त राष्ट्रच कमजोर : युरोपियन देशाच्या प्रमुखाचा इशारा

xtreme2day   04-11-2025 21:32:00   378096475

येत्या काळात भारत पुढील सुपरपॉवर! UNSC सदस्य न दिल्यास संयुक्त राष्ट्रच कमजोर : युरोपियन देशाच्या प्रमुखाचा इशारा

फिनलंड (एजन्सी वार्ता) -  बहुपक्षीयता आणि संयुक्त राष्ट्रांमध्ये भारताची भूमिका वाढणे महत्त्वाचे आहे. त्यांनी जोर देऊन सांगितले की, जर भारताला सुरक्षा परिषदेचे कायम सदस्यत्व मिळाले नाही, तर संयुक्त राष्ट्रे कमकुवत होत राहतील. ते म्हणाले, "मी संयुक्त राष्ट्रांच्या महासभेत हे दोनदा सांगितले आहे. मला वाटते की संयुक्त राष्ट्र सुरक्षा परिषदेचा विस्तार व्हायला हवा. सदस्यांची संख्या किमान दुप्पट केली पाहिजे. हे चुकीचे आहे की भारतासारख्या देशांना सुरक्षा परिषदेचे कायम सदस्यत्व नाही असे फिनलंडच्या राष्ट्राध्यक्षांनी जागतिक व्यवस्थेबद्दल (world order) म्हटले आहे.

फिनलंडचे राष्ट्राध्यक्ष अलेक्झांडर स्टब यांनी स्पष्टपणे सांगितले आहे की, भारत हा अमेरिका आणि चीनसोबत जगातील पुढील महासत्ता बनेल. स्टब यांनी हे देखील म्हटले आहे की, भारताला संयुक्त राष्ट्र सुरक्षा परिषदेत ( UNSC ) कायम सदस्यत्व मिळणे अत्यंत आवश्यक आहे. त्यांच्या मते, जर भारताला हे सदस्यत्व मिळाले नाही, तर संयुक्त राष्ट्रांची ताकद (power) सतत कमी होत जाईल. रशियापासून ब्रिटनपर्यंत अनेक देश भारताला UNSC मध्ये कायम सदस्यत्व देण्यास पाठिंबा दर्शवत आहेत. मात्र, केवळ एका देशाच्या विरोधामुळे भारताची ही मागणी रखडली आहे. तो देश म्हणजे चीन . चीन आणि पाकिस्तान मिळून भारताच्या विरोधात जोरदार मोहीम चालवत आहेत.

फर्स्टपोस्टला दिलेल्या एका मुलाखतीत राष्ट्राध्यक्ष स्टब म्हणाले, "मी भारताचा खूप मोठा चाहता आहे आणि मला खात्री आहे की भारत अमेरिका आणि चीनसोबत जगातील पुढील महासत्ता बनेल." फिनलंडच्या राष्ट्राध्यक्षांनी पुढे सांगितले की, भारत सध्या जगातील कोणत्याही एका देशाशी संबंध जोडण्याऐवजी सर्व प्रमुख देशांशी चांगले संबंध निर्माण करत आहे. हे पूर्णपणे स्वाभाविक आहे. भारताचा आकार, इतर देशांशी असलेले संबंध आणि त्याची क्षमता लक्षात घेता, स्टब यांनी म्हटले की भारत जे काही करतो, त्याचा जगावर मोठा परिणाम होतो. स्टब यांनी एक प्रस्तावही मांडला. ते म्हणाले, "मी सुचवले आहे की आपण लॅटिन अमेरिकेतून एक सदस्य, आफ्रिकेतून दोन सदस्य आणि आशियातून दोन सदस्य घ्यावेत. का? याचे कारण म्हणजे मला बहुपक्षीयतेवर विश्वास आहे. जर भारताला संयुक्त राष्ट्र सुरक्षा परिषदेत स्थान मिळाले नाही, तर ही जागतिक संस्था कमकुवत होत राहील." भारत आणि G-4 देश सातत्याने संयुक्त राष्ट्र सुरक्षा परिषदेत सुधारणांची मागणी करत आहेत, पण चीन याला विरोध करत आहे. चीनला आशियामध्ये आपली मक्तेदारी कमी होण्याची भीती आहे, म्हणूनच तो भारताच्या मार्गात अडथळा निर्माण करत आहे. चीनच्या इशाऱ्यावर पाकिस्तानही जगभरात मोहीम चालवत आहे, ज्याला इटलीचाही पाठिंबा मिळाला आहे.