भारत, चीन, रशिया हे ट्रम्प टॅरिफला टक्कर देणार ; अमेरिकेच्या तुलनेत किती मजबूत ठरणार त्रिकुट
xtreme2day
31-08-2025 20:10:44
497804784
भारत, चीन, रशिया हे ट्रम्प टॅरिफला टक्कर देणार ; अमेरिकेच्या तुलनेत किती मजबूत ठरणार त्रिकुट
तियानजीद / नवी दिल्ली (विशेष प्रतिनिधी) - चीन मधील तियानजिन शहरात आजपासून SCO (शांघाय सहकार्य संघटना) शिखर सम्मेलन सुरू झाले आहे. हे दोन दिवस चालणार आहे. चीन, भारत आणि रशियासहित 20 देशांचे नेते यात सहभागी झाले आहेत. पंतप्रधान नरेंद्र मोदी यांनी चीनचे राष्ट्रपती शी जिनपिंग यांची भेट घेतली. शी जिनपिंग म्हणाले, "भारत आणि चीनने मित्र आणि भागीदार बनणे हाच योग्य पर्याय आहे." रशियाचे राष्ट्रपती व्लादिमीर पुतिन सुद्धा चीनमध्ये पोहोचले आहेत. अमेरिकेचे राष्ट्रपती डोनाल्ड ट्रम्प यांनी आयात करात वाढ केल्यामुळे हे तीन देश एकमेकांच्या जवळ येत आहेत.
चीनमध्ये SCO शिखर सम्मेलन अशा वेळी होत आहे, जेव्हा ट्रम्प यांनी भारतीय वस्तूंवर 50% टॅरिफ लावला आहे. बाजारातील जाणकारांच्या मते, ट्रम्प यांच्या टॅरिफच्या वादामुळे हे शिखर सम्मेलन गुंतवणूकदारांसाठी चांगली बातमी आहे. भारतासाठी हे सम्मेलन कसे फायदेशीर आहे तर, या सम्मेलनात भारत, चीन, रशिया आणि इतर देश एकत्र आले आहेत. अमेरिकेच्या टॅरिफच्या विरोधात ही एकजूट आहे. अमेरिकेचा हा निर्णय आशिया खंडात अन्यायकारक मानला जातो.
भारत, चीन आणि रशिया मिळून GDP मध्ये 53.9 ट्रिलियन डॉलरचे योगदान देतात. हे जगाच्या एकूण उत्पादनाच्या जवळपास एक तृतीयांश आहे. त्यांची निर्यात 5 ट्रिलियन डॉलरपेक्षा जास्त आहे. त्यांच्याकडे 4.7 ट्रिलियन डॉलरचा परकीय चलन साठा आहे, जो जागतिक एकूण साठ्याच्या 38% आहे. त्यांची एकत्रित लोकसंख्या 3.1 अब्ज आहे, जी जगाच्या एकूण लोकसंख्येच्या जवळपास 38% आहे.या तीन देशांचा एकत्रित लष्करी खर्च 549 अब्ज डॉलरपर्यंत पोहोचला आहे, जो जगाच्या संरक्षण बजेटच्या पाचव्या हिश्श्याएवढा आहे. ते जागतिक ऊर्जेचा 35% वापर करतात. प्रत्येक देशाची स्वतःची वेगळी ताकद आहे. चीनची ताकद उत्पादन क्षेत्रात आहे, रशियाची ऊर्जा क्षेत्रात आणि भारताची सेवा क्षेत्रात हे लक्षात घेऊन काही प्रमाणात कार्य करीत आहेत.
बातम्या आणि जाहिराती साठी संपर्क करा.
