Xtreme Today 03-08-2026 22:55:42 72238690
जन सुराज पक्षाचे (JSP) संस्थापक प्रशांत किशोर यांनी बिहारमधील बांकीपूर विधानसभा पोटनिवडणुकीत भाजपचे उमेदवार नीरज कुमार सिन्हा यांचा केला पराभव पटना (विशेष प्रतिनिधी) – जन सुराज पक्षाचे (JSP) संस्थापक प्रशांत किशोर यांनी बिहारमधील बांकीपूर विधानसभा पोटनिवडणुकीत भाजपचे उमेदवार नीरज कुमार सिन्हा यांचा 19,324 मतांच्या फरकाने पराभव केला. सोमवारी (3 ऑगस्ट 2026) जाहीर झालेल्या निकालानुसार, प्रशांत किशोर यांना 64,151 मते मिळाली, तर नीरज कुमार सिन्हा यांना 44,827 मते मिळाली. राष्ट्रीय जनता दलाच्या (RJD) उमेदवार रेखा कुमारी या 14,273 मतांसह तिसऱ्या क्रमांकावर राहिल्या. बिहारमधील बांकीपूर विधानसभा मतदारसंघाच्या पोटनिवडणुकीत भाजपला मोठा धक्का बसला आहे. कारण या पोटनिवडणुकीत जनसुराज पक्षाचे संस्थापक प्रशांत किशोर यांचा दणदणीत विजय झाला असून भाजप उमेदवाराला पराभवाचा धक्का सहन करावा लागला आहे. भाजपचे राष्ट्रीय अध्यक्ष नितीन नवीन यांचा बालेकिल्ला असलेल्या या मतदारसंघात पराभव पत्करावा लागल्याने भाजपसाठी ही धोक्याची घंटा मानली जात आहे. मागील ३१ वर्षांपासून या मतदारसंघात भाजपचे निर्विवाद वर्चस्व होते. मात्र भाजपच्या या गडाला सुरुंग लावण्यात प्रशांत किशोर यशस्वी ठरले आहेत. एकूण ३२ फेऱ्यांमध्ये मतमोजणी प्रक्रिया पार पडली असून किशोर यांचा तब्बल १९ हजार २४६ मतांनी विजय झाला आहे.
